EFETIKILO
Okapitulu 1
1 Kefetikilo Suku wa sovola ilu losi.
2 Osi ya kala upolokoso, ka mua kaile cimue. Owelema wa sikilīle ocipala coka- lunga. Espiritu lia Suku lia endala kilu liovava.
3 Suku yu wa linga hati, Ku iye ocinyi, kuenje ocinyi ceya.
4 Suku wa mola ocinyi okuti ca posoka. Noke Suku wa tepisa ocinyi lowelema.
5 Suku wa Iuka ocinyi hati, Utanya. Owelema wo Iuka hati Uteke. Kuenje kua kala oñolosi, kua kalavo omēle, eteke liaco olio lia mosi.
6 Suku yu wa linga hati, Pokati kovava pa kale epuluvi, Ii tepise ovava Iovava.
7 Suku yu wa lulika epuluvi Ii tepisa ovava a kala vemehi liepuluvi liaco, lovava akuavo a kala kilu liepuluvi liaco. Haico ca lingiwa.
8 Suku yu wa Iuka epuluvi liaco hati, Ilu. Kuenje kua kala oñolosi, kua kalavo omele, eteke liaco olio lia vali.
9 Suku yu wa linga hati, Ovava a kasi vemehī lilu a likongele pamosi, ongongo yi molehē. Haico ca lingiwa.
10 Suku wa Iuka ongongo hati, Osi. Oku kua likongela ovava wa lukako hatl, Okalunga. Suku yu wa ci mola okuti ca posoka.
11 Suku wa linga hati, Osi yi tunde viosi vitiamela kovikūla. Nda owangu, nda ovikūla vimaima olombuto, loviti viapako vikuete olombuto, kuenje olombuto viaco, vi siata vilu lieve, ndapata avio. Haico ca lingiwa.
12 Osi ya tunda owangu, lovikūla via imaima olombuto ndapata avio; oviti viapako via kuata ombuto yavio, epata lepata liaco. Suku wa ci mola okuti ca posoka.
13 Kuenje kua kala oñolosi, kua kalavo omēle, eteke liaco olio lia tatu.
14 Suku yu wa linga hati, Ku kale ovinyi kilu oco vi tepise utanya luteke; vi linge-vo olonepisi violotembo, loloneke, lanyamo;
15 Vi linge ovinyi viokilu, oco vi tuile ongongo. Haico ca lingiwa.
16 Suku yu wa lulilka ovinyi vivali vinene, ocinyi ca velapo ci viala kutanya, eci ci sulepo ci viala kuteke; wa lulikavo olombungululu.
17 Suku wa vi kapa kilu oco vi tuile ongongo
18 Okuti vi viala kutanya lokuteke ,kenje vi tepisa utanya lowelema. Suku yu wa ci mola okuti ca posoka.
19 Kuenje kua kala oñolosi, kua kalavo omēle, eteke liaco olio lia kuala.
20 Suku yu wa linga hati, Vovava mu siate ovitundo vioviendalomuenyo:( olonjila vi palãle vilu, vepuluvi Ii kasi pokati kilu losi.
21 Oco Suku wa sovola ovimuandu vinene viovokalunga loviendalomuenyo viosi vi Iitevateva, viosi via siata vovava ndapata avio; lolonjila viosi vi palãla, ndapata avio. Suku wa ci mola okuti ca posoka.
22 Suku yu wa vi sumuluisa hati: Liciti, siati, yuki vovava okalunga, lolonjila le vi siate kilu lieve.
23 Kuenje kua kala oñolosi, kua ka lavo omēle, eteke liaco olio lia tãlo.
24 Suku yu wa linga hati, Kilu lieve kuiye ovinyama ndapata avio, ovinyama viovimbo, lovipuka, lovinyama viovusenge ndapata avio. Haico ca lingiwa.
25 Suku yu wa lulika ovinyama viovusenge ndapata avio, lovinyama viovimbo ndapata avio, lovipuka viosi vi likoka posi ndapata avio. Suku wa ci mola okuti ca posoka.
26 Suku wa linga hati, Tu luliki omunu ukuacilelembia cetu, ukuesetahãlo lietu hã ka viala kolosī viovokalunga, Iokolonjila viovusenge, lokovinyama viovimbo, lokoluali luosi, kuenda kovipuka viosi vi likoka posi.
27 Suku yu wa lulika omunu ukuacilelembia caye, wa va lulika muēle locilelembia caye. Cikale ulume, cikale ukãi, Muele Suku eye wa va lulika.
28 Suku wa va sumuluisa. Suku wa va vanguisa hati: liciti, siati, yukisi oluali, lu pakisi; viali kolosī vio vokalunga, lokolonjila viovusenge, loko vinyama viosi vi ñuala iñuala kilu lieve.
29 Suku yu wa linga hati: Tali, ndo wihī ovikūla viosi vi kasi vongongo, kuosi kilu lieve, cikale vina vimaima olombuto, cikale oviti viosi vimaima apako a kuete ombuto, viosi vi linge okulia kuene.
30 Ovinyama viosi viokilu lieve, lolonjila viosi viovusenge, lovipuka viosi vi likoka posi, viosi vi fuima; , lovikūla viosi vi talala vilinge okulia kuene. Haico ca lingiwa.
31 Suku yu wa sanga okuti ovina viosl a lulika via posoka. Kuenje kua kala oñolosi, kua kalavo omēle, eteke liaco olio li'epandu.
