EFETIKILO
Okapitulu 3
1 Onyõha ya velelepo oku nyanga, ovinyamaviosi viovusenge via lulikaYehova Suku vi sule. Kuenje ya pula ukãi yiti, Ocili Suku wa popia hati, Ko ka li koviti viosi viovocumbo, ale?
2 Ukãi wa kumbulula onyoha hati, Tuakuakulia kapako oviti viovocumbo;
3 Te epako liuti owo u kasi vokati kocumbo, owo Suku a linga hati, Ko ka liko, ndaño oku lambako, sanga vu fa.
4 Onyõha ya popia lukãi yiti: Mbu, okufa ka vu fi;
5 Momo Suku wa kulīha okuti eteke vu liako, ovaso ene haico a letuluka kuenje vu linga nda Suku, vu kulīha eci ciwa leci cīvi.
6 Ukãi yu wa mõla uti okuti wa posokela oku liako, haiwo a posokela oku u tala, haiwo uti wa soliwila oku eca olondunge, yu wa yunga epako, kuenje wa lia; wa ecavo limue ku veyaye kuenje wa liavo.
7 Oco ovaso avo a situluka kavali kavo, kuenje va lilimbuka okuti va kasi ño epõlõla; oco va litongela amēla akuyu ha va liluvikiyila okowalo.
8 Va yeva ondaka ya Yehova Suku eci a ñuãla ñuãla vocumbo koñolosi; oco ulume lukãi waye va salama kolonyima vioviti viovocumbo oku tila Yehova Suku.
9 Yehova Suku yu wa kovonga ulume, wo pula hati, O kasi pi?
10 Eye wa kumbulula hati, Nda yevela ondaka yove vocumbo kuenje nda kuata usumba, omo ñasi ño epõlõla oco nda salamela.
11 Yehova Suku hati, Wa ku sapuila hati, O kasi epõlõla, helie? Mbi wa lia kuti una nda ku handeleka siti, Ku ka lieko?
12 Eye ulume wa popia hati, Ukãi una wa nyiha oku kala lame, eye wa nyihako epako liuti waco kuenje nda lia.
13 Yehova Suku wa pula ukãi hati, Oco hē, nye wa ci lingila? Ukãi wa kumbulula hati, Onyõha ya ndueyisa kuenje nda lia.
14 Yehova Suku wa popia lonyõha hati, Omo wa linga ndoco, wa siñaliwa pokati kovinyama viosi viovimbo kuenda ovinyama viosi viovusenge. Imo liove o likoka posi hu lialia eve oloneke viosi viomuenyo wove.
15 Ñapa ukuse pokati kene, love lukãi, lo pokati kombuto yove lombuto yaye. Eye o sasõla utue wove, kuenje ove u lumana kocisendemāi.
16 Wa popia lukãi hati, Ha luisa olongembia viove koku cita kuove; o cita cita omãla lolongembia, haimo onjongole yove yi kala kulume wove, leye o ku vial
17 Ku Adama wa linga hati, Omo wa tava kondaka yukãi wove kuenje wa lia kuti una nda ku handeleka, siti, Ku ka lieko, oco osi yi siñalīwa. O liako lohali oloneke viosi viomuenyo wove;
18 Yi ku imīla olosongo loholokoso; kuenje o lialia ovikūla viovusenge.
19 O lialia okulia kuove lesalamīho liokopolo yove, toke eteke o tiukila vali keve; momo haiko wa tundile. Ove ukueve, keve haiko o tiukila.
20 Ulume yu wa luka onduko yukãi waye hati, Heva, momo eye nyõho yava vosi va kasi lomuenyo.
21 Kuenje Yehova Suku wa tungila Adama lukãi waye ovikutu viovipa, yu wa va walisa.
22 Oco Yehova Suku wa popia hati, Ota, ulume wa linga ndetu, kaliye o kulīha eci ciwa leci cīvi; kandopo sanga õluīla okuokuo kuaye kuti womuenyo loku kotolako ha li, hã ha kala hū lomuenyo,
23 Oco Yehova Suku wo tundisa vocumbo ce Edene, okuti o ka lima osi kuna a tundile.
24 Wa tundisa ulume, kuenje konele yutundilo wocumbo ce Edene wa kapako va Keruvi, losipata yondalu yi pongolokela kuosi oku lava onjila yenda kuti womuenyo.
